Why Not Jathropha???
Buah Jathropha ke udah tau dikembuah
Nama kebuah kami enda bekenangka nanam Kayu Jathropha? Uji kira dulu untung rugi banding ke enggau rega.
Nitihka pansik, 4 KG buah Jathropa rangkai ngasilka 1 liter minyak biodiesel! Berapa rega seliter minyak diesel? Enti rega minyak diesel, beri mih RM8.00. Reti nya, rega buah Jathropa tetap enda lebih ari RM2.00 seKG. Bedau agi kira kos meroses (processing cost)! Tulak kos proses RM3.00 dikena ngasilka seliter biodiesel, rega beresi semina ulih RM5.00 ungkup ke 4 KG buah Jathropha. Reti nya ka RM1.25 seKG buah Jathropha. Bisi jalai nya kini???? Kitai ukai ‘melemahkan semangat’ orang ke udah nanam kayu tu tang semina berunding panjai ari segi penguntung, kos tulang ngereja sereta prospek. Taja pia, kitai bela ngajihka rega Jathropha tau niki ila, nyangka ukai semina tau dikena ngaga biodiesel aja. Tang tau berunding panjai.
Nambahka nya, buah Jathropha tusah dikembuah (baka lada), perlu dijembi lalu lempung enti udah rangkai. Iya balat kusut, enda nyalah-nyalah baka buah engkabang.
Nanam Jathropha sigi amat senang laban nadai indu utai ka ngachau buah tauka daun iya. Iya mega enda perlu ke baja mayuh. Ka nyadi tumbuh ba tanah sengapa baka jabang/empasa.
